Posted on

Release For My Special Valentine Bestsellers

Here are our titles for My Special Valentine Bestsellers!
Release for February-March 2009
Want to read the story teasers?

Previews

Tall, Rich And Handsome
Adrienne Rowland

     Jack was an easy man to work for. Too bad, Lanie was paid to spy on him. Directive iyon ng ama ng binata, na gusto lamang mapabuti ang panganay na anak.
     Para sa halagang isang milyon, hindi na masama. Hindi naman araw-araw may mag-aabot kay Lanie ng ganoong pera para guwardyahan ang isang mala-Adonis na lalaki.
     It was just her luck na matuklasan nito ang sekreto niya. At determinado si Jack na pagbayarin siya—by posing as his wife! Well, excuse her…
     Wala yata sa plano niya ang maging babae nito. No way! Then again, it was another one million pesos. At sa puso niya, sigurado si Lanie kung alin ang mas matimbang….

Breaking The Rules
Maricel V. Galvez

     “Hindi mo ako p’wedeng tanggihan, Miss Borromeo. Either you work as my secretary or resign,” ani Julius.
     “Okay, tinatanggap ko na,” sagot ni Sarah.
     “I just want to tell you my most important office rule.”
     “Yes?”
     “Never fall in love with me,” he casually said.
     Of all the arrogant, high-handed, cold-hearted jerks…
     Pero kaagad napatunayan ni Sarah na may katuwiran ang batas na iyon ni Julius. Kung kailan huli na…
     In love na siya rito. Hindi na magbabago iyon.Kahit ilang ulit nitong iparada sa harap niya ang girlfriend nitong si Lorraine….

Kung Di Mo Ako Kayang Mahalin
Cristina Manuel

     “Napapahiya ka?” tanong ni Bernard. Napamura ito pagkatapos. “Hindi bagay sa iyo, Danica,” uyam pa nito.
     Tuluyang nalaglag ang luha niya sa pasaring ng asawa. Maling-mali ito sa pag-akusa sa kanya.
     “Sige, umiyak ka lang. Natutuwa akong makita kang nahihirapan. At least, pareho tayo!” Kumilos ang lalaki at pabalibag na isinara ang pinto.
     May katuwiran ang galit nito sa pamilya niya. Inilayo ito ng kanyang papa sa nobya nito para ipakasal sa kanya. Pero wala siyang kinalaman doon.
     Ang tanging kasalanan ni Danica, minahal niya si Bernard nang sobra-sobra….

A Bachelor For Me
Rue Mondragon

     “Money turned you on? Is that it?” paglilinaw ni Quintin.
     Tumango si Helene. “No offense meant, Quintin, pero plano ko ang makapag-asawa ng mayaman,” diin niya.
     Walang pang-uuri o pagkainsulto sa mga mata ng kausap. “Paano ang tinatawag na pag-ibig?” tanong nito.
     “Oh, hindi basta mayaman lang na lalaki ang gusto ko. I want someone that I can love, siyempre.”
     “I’ll drink to that. I wish you all the success in your pursuit,” sabi nito bago nagpaalam.
     Gustong lumubog ni Helene sa kinatatayuan nang matuklasan na ang lalaking pinagtapatan niya ng plano ay ang ‘mayaman’ na hinahanap niya para mahalin….

Pakipot Na Puso
Angela Alfonso

     “That was a very foolish thing to do, Gaby,” anas ni Matthew nang umigkas ang kamay niya at masampal ito.
     “Bitiwan mo ’ko,” kinakabahang utos niya.
     “Not yet. Hindi pa ako nakakaganti,” sagot nito.
     “You deserved it.”
     “Oh, yeah? Then you deserve this, too.”
     Higit na mapanira ang ganti nito. Halos madurog ang pang-ibabang labi ni Gaby nang kagatin nito iyon.
     Nanunukso ang sumunod na halik ng binata—dadapo, pagkatapos ay biglang mawawala, hanggang kusa siyang mapayakap sa leeg nito. Then he suddenly stopped kissing her—upang maipamukha na ginawa nito iyon para magparusa, hindi para magustuhan niya ang halik….

Lost In Your Embrace
Emily Loris

     “Hindi ko gagamitin ang katawan ko para ipambayad sa utang sa iyo ng daddy ko,” saad ni Kristine.
     “Oh, but it’s not because of any money you owe me. Ibibigay mo sa akin ang katawan mo because you want me just as I want you,” mayabang na sagot ni Anton.
     “How dare you!” she muttered.
     Buong buhay ni Kristine, wala siyang ginawa kundi iwasan si Anton dela Vega.
     Dahil totoo na kayang-kaya niyang ibigay ang sarili sa binata. Not because she simply wanted him gaya ng nararamdaman nito para sa kanya.
     Kundi dahil mahal na niya ito noon pa….

Written In The Stars
Louise Dane

     Minahal ni Phoebe si Nash at first sight. Nahulog siya sa puno dahil sa kasisilip sa guwapong mukha nito. Nasa bahay na siya nito nang magkamalay.
     Hindi niya maipaliwanag kung bakit, pero parang matagal na niya itong kilala.
     Sa pakikialam ng Kuya Kobe niya, nagkahiwalay sila ni Nash bago pa man sila nakapag-umpisa ng relasyon.
     Now he was back. Three years were not enough to forget him. Pero galit at pagkamuhi ang nasa mga mata ngayon ng binata.
     At batid ni Phoebe na may katuwiran si Nash para maramdaman iyon….

Bid For My Heart
Jen Yaneza

     Pre-marital separation of properties ang demand ng prospective mother-in-law ni Alisha para payagan siyang makasal sa anak nito.
     Hah! Ano ang tingin nito sa kanya—hampaslupa? Kahit naghihirap siya, hinding-hindi siya papayag na insultuhin nang ganoon. Ibinalik niya ang nobyo sa nanay nito.
     Sila ang magpakasal! Tapos na siya sa mga lalaking walang buto. Saka dumating sa buhay niya si Jordan.
     Ibang-iba ito sa ex-boyfriend niya. Maprinsipyo ito, maalalahanin, mapagmahal at… maka-ina rin?
     Ah, tila wala talaga siyang suwerte sa mga lalaki. Humanda si Jordan kung mama’s boy rin ito….

Shadows Of Your Heart
Mia Del Fior

     “H-hindi ako masamang tao,” paliwanag ni Frankie.
     “Then explain why you tried to rob this house last night,” hamon ni Dennis.
     Napamulagat ang dalaga sa akusasyon nito.
     “I was not trying to rob you, at least, hindi sa paraang akala mo. Gusto ko lang kumuha ng… ilang damit na puwede kong gamitin.” God knows she meant no harm.
     “Bakit? Naiwan mo ang mga gamit mo dito?”
     Franchesca well noted the sarcasm. Tila wala siyang magagawa para papaniwalain ang lalaki.
     At desidido si Dennis na ikulong siya sa bahay nito hangga’t hindi niya ito nakukumbinsi….

A Night And Forever
Gabrielle

     “Let’s not dwell on the past. We can no longer undo them,” matigas na sabi ni Noah.
     “Galit ka ba sa akin?” garalgal na tanong ni Corinne. Hindi niya rin gustong magpakasal kay Noah, pero nakataya ang pagkakaibigan ng mga magulang nila.
     “Oo… hindi… ewan ko!” litong turan nito.
     Napahikbi ang dalaga, hindi makapagsalita.
     “Shit!” mahinang usal ni Noah. “Look, I’m willing to make sacrifices to make this marriage work.”
     Napatingin siya sa binata.
     “For the baby’s sake,” dugtong nito.
     Something’s telling her that’s all she’s going to get….

Undercover Maid
Irene Lee

     “Huwag kang mag-alala. I promise not to kiss you again. I’ll keep my distance from now on. Just don’t leave,” pakiusap ni Jett.
     Hindi sumagot si Lailanie. Hindi niya kailangan ang trabaho bilang maid nito. Kung di lang sa personal na dahilan, ibabasura niya ang undercover job na iyon.
     “If you want… you can punch me again. Just don’t leave,” sabi uli nito nang hindi siya sumagot.
     Lihim siyang natuwa. Iyon talaga ang nakapagpapayag sa kanya para huwag munang umalis.
     She gave him an uppercut and left him groaning in pain.

A Time For Us
Liana Sky

     Si Joaquin Antonio ang taong hindi naniniwala sa pag-ibig. Napasubo lang siya kaya may namagitan sa kanila ni Kim. Hindi niya talaga ito type. At malayong mangyari na mahal niya ito dahil… hindi nga totoo ang LOVE!
     Pinatulan niya si Kim dahil gusto niyang patunayan na front lang ang pagiging mahinhin nito para mapansin niya. Na nagpapakipot lang ito kaya tinatanggihan ang advances niya. She was a challenge he was determined to conquer.
     Nang mahulog ito sa kanyang bitag, nawalan na siya ng gana. He dumped her without a word. Pero may alas si Kim. At noon natuklasan ni Joaquin na hindi niya kayang isuko ang babaeng sumuko na sa kanya….

If you are interested to buy any of these books, please view this page for more information. Thank you!